Bendi kongwe ya muziki wa dansi nchini Msondo Ngoma ‘Baba ya Muziki’ jumamosi inatarajiwa kutumbuiza kwa mara ya kwanza katika ukumbi wa Eriado Point View uliopo Pugu Dar es Salaam

Akizungumza kwa simu jana kiongozi wa bendi hiyo, Muhidin Ngurumo alisema wanajisikia furaha kupata nafasi ya kualikwa katika ukumbi huo ili kuwapa uhondo wa burudani mashabiki wao

‘Unajua tuna muda mrefu hatujatoa burudani katika maeneo ya ukonga na vitongoji vyake tumepania nafasi hii tutaitumia ipasavyo katika kutoa burudani ya nguvu “ alisema

Alisema siku hiyo watashusha kikosi kizima cha Msondo Ngoma chenye mchanganyiko wa damu changa na wao wakongwe ili kufanya vitu vya uhakika ukumbini hapo