Wasanii wa muziki wa kizazi kipya nchini Ambwene Yesaya 'AY' na Ilunga Khalifa 'Cpwaa' wamewaomba watanzania kuwapigia kura kwa wingi ili waweze kushinda kinyang'anyiro cha tuzo za Channel O Music Video Awards ambazo zinatarajiwa kufanyika hivi karibuni

Wasanii hao ambao walifanya shoo jumapili usiku Club Bilicanas, shoo hiyo iliyoandaliwa na Televisheni ya Taifa (TBC ONE) pamoja na Pro 24 Djs kwa ajili ya kuhamasisha watanzania kuwapigia kura kwa wingi ili waweze kushinda tuzo hizo

Wakizungumza kwa nyakati tofauti tofauti Cpwaa alisema kuwa ushindi wao upo mikononi mwa watanzania kwa kuwapigia kura kwa wingi ili waweze kushinda kwani hawatoweza kupata ushindi huo bila ya kura za watanzania

Alisema kuwa wao kama wasanii wanajitahidi kufanya muziki katika anga za kimataifa ili wautangaze muziki na nchi kiujumla hivyo amewataka wadau pamoja na mashabiki kushirikiana katika kulifanikisha hilo

Kwa upande wake AY aliwahamasisha wadau na mashabiki kwa kupiga kura kwa wingi ili waibuke kidedea huku akijitamba kuwa uwezo wanao wa kushinda kwa kuchaguliwa kuingia kuwania tuzo hizo

Alisema kwa kuchaguliwa kuwani tuzo ni ushindi tosha ila kwa kupiga kura kwa wingi ndipo unakamilisha ushindi huo na kuwatangaza wasanii hao kimataifa na kutangaza nchi kiujumla

AY na Cpwaa ni miongoni mwa wasanii wawili waliochaguliwa kuingia katika kinyanganyiro cha Channel O Music Video Awards, huku AY akiwa yupo katika category tatu ,na Cpwaa akiwa yupo katika category moja

Jinsi ya kupiga kura kwa upande wa AY andika AY ft Romeo Speak with your Body andika 14J kwenye simu yako kwenda +27839208406 na Cpwaa 5F kwenda nambar hiyo hiyo