Akizungumza baada ya kufanya shoo yake ya kwanza ya kurudi kwenye gemu inayojulikana kama Usiku wa Club iliyoandaliwa na Televisheni ya Taifa (TBC ONE) wakishirikiana na Pro 24 Dj’iliyofanyika mwishoni mwa wiki Club Bilicanas, Sista p alisema alikuwa kimya muda mrefu akijipanga atoke kwa mtindo upi, na kusoma alama za nyakati za muziki , huku akiwa anarekodi ngoma yake mpya ambayo ameifanya studio ya Dhahabu Rekodi

Alisema kuwa ngoma hiyo amemshilikisha Dully Skyse msanii mkongwe ambaye ashuku kwenye gemu , vile vile alisema ili ufanikiwe kimuziki unatakiwa uwe mbunifu na usome alama za nyakati kwa kuwajua mashabiki wako wanataka radha gani kwa kipindi hicho na si kukurupuka

“Nimejipanga vilivyo kwa kipindi hicho chote nilichokaa kimya hakuna mtu atakayeweza kushindana na mbio zangu, kwani mashabiki wanajua ninachokitoa kwao na wanajua kutofautisha kazi zangu “ alijigamba Sista P

Sista P alitamba kuwa amerudi kwenye gemu kwani ndio kazi na maisha yake, na hakuna msanii wa kike anayeimba miondoko kama yake watakaoweza kushindana naye kwenye gemu hilo,kwani mashabiki wake anaamini hakuna kama yeye

Akizungumzia kwenye upande wa mahusiano alisema kuwa amefikiria kuolewa na kujenga familia baada ya miaka mitatu ijayo, ingawa amekili kuwa na mahusiano na msela mwenzie

Sista P, ambaye aliwahi kutamba kimuziki kutokana na vibao vyake mbalimbali, kikiwemo ‘Wanachonga sana juu yangu’ na ‘Nani Mkali’ alichomshirikisha Ney wa Mitego