Malikia wa mipasho nchini Hadija Kopa anatarajia kuandaa onyesho kubwa litakalohusisha burudani mbalimbali kwa lengo la kuchangisha fedha zinazotumika kwa ajili ya kuhudumia watoto yatima na wajane katika kata ya Magomeni wilaya ya Bagamoyo

Akizungumza jijini Dar es Salaam alisema yeye kushirikiana na diwani ya Kata ya Magomeni wameamua kuandaa onesho hilo ambapo baadhi ya wasanii wanaotamba katika tasnia ya muziki wa kizazi kipya Ommy Dimpozi na Chid Benz wnatarajia kutumbuiza

"Onesho letu litakuwa kwanza ni kuwashukuru wakazi wa kata ya Magomeni kwa kumchagua Jaffary Yussuf kuwa Diwani lakini pia fedha zitakazo patikana kutokana na onesho hilo zitatumika kwa ajili ya kulipa karo na kusaidia wajane waliopo katika kata hiyo" alisema Kopa