MASHINDANO ya kumsaka mwanamitindo bora wa kike wa mwaka mwenye kipaji cha kipekee katika sanaa ya mitindo nchini Tanzania, Unique Model, limechukua sura mpya baada ya kutangazwa kwa vigezo vya kujiunga na shindano hilo.

Akizungumza Dar es Salaam jana, Mkurugenzi wa Shindano La Unique Model Methudelah Magese, alisema kuwa mashindano hayo yanatarajiwa kuwa ya aina yake kwa mwaka huu baada ya kufanya maandalizi mazuri ya mapema.

Magese alisema kuwa washiriki watakaochaguliwa kuingia katika kinyang'anyiro hicho, wanatakiwa kuwa na vigezo mbalimbali kwa ajili ya kuleta ushindano katika mashindano hayo.

Alisema kuwa pia katka alama 100 wamezigawanya katika makundi ikiwa ni Sura na umbe lenye mvuto alama 30, Uwezo wa ziada wa kutembea miondoko ya maonyesho ya nguo alama 30 pamoja na Uwezo wa kutambua mambo mbalimbali na kujieleza alama 20 huku kujiamini na uchangamfu alama 10 na nidhamu alama 10

Alisema kuwa katika mashindano ya mwaka huu, kutakuwa na jumla ya majaji watatu watakaokaoteuliwa  watapewa semina elekezi na Mratibu wa Basata  namna ya utoaji alama kwa usahihi na kuzingatia haki ya kila mshiriki kwakua shindano hili lita kuwa wazi katika kuhakiki haki inatendeka  sawa na ubora wa mwanamitindo alivyo.

Hii ni hatua ya kipekee kwa waandaji wa mashindano kuwa wazi namna ya utoaji alama na kumpata mshindi kwakua itatoa mawazo tata na dhana potofu  ndani ya vichwa vya  wadau  wa tasnia ya mitindo.

Alisema kuwa anatoa wito kwa wadau pamoja na wapenzi wa fani hiyo, kujitokeza kwa wingi kwa ajili ya kutoa udhamini ili waweze kufikia malengo ya kuibua vipaji nchini ikiwa ni pamoja na kutoa ajira kwa vijana.

Magese alisema kuwa usaili wa wanamitindo hao unatrajiwa kufanyika Novemba 18 mwaka huu katika Hoteli ya Lamada iliyopo Ilala.

Taji la unique model linashikiliwa na mwanamitindo Asia Dachi ambapo atalikabidhi kwa mshindi wa mwaka huu wa Unique Model katika fainali zitakazofanyika mwezi Desemba mwaka huu.

Unique  Model kwa mwaka huu limedhaminiwa na Giraffe ocean view hotel,Dtv,Gazeti la Tanzania Daima,mashujaa Investment ltd, Sophernner Investment co ltd,K.d.surelia,young don records,Kiu investment ltd,Oriental bureau de change,,J’s professional ltd,Lamada apartments hotel,T-moto Entertainment,wajanja club blog na Unique entertainment blog.