MSANII wa Hip Hop Azizi Ahmad 'Stone Fire'  amefunguka na kusema kuwa kuvunjika kwa makundi ya muziki nchini na kuwa na mgawanyiko kwa baadhi ya wasanii ndio moja ya chanzo cha kushuka kimuziki

Akizungumza  jijini Dar es Salaam Stone alisema, kwa upande wake moja ya sababu iliyompelekea kuyumba kimuziki ni kuvunjika kwa kundi la 'wagumu asilia' ambalo ndilo alilokuwa akifanya nalo kazi

Alisema kuwa sababu za kuvunjika kwa kundi hilo ilikuwa ni kutokuwa na maelewano kwa wasanii hao huku kila mmoja wao akiwa anaangalia maslahi yake binafsi hali iliyopelekea kutoweza kudumu katika fani ya muziki kwa muda mrefu

"Kila mtu alikuwa anaangalia maslahi yake binafsi katika hali ya kiubinadamu hatuwezi kudumu kwani hakuna malengo ya baadaye " alisema Stone

Pamoja na hayo aliweka wazi kuwa kutokana na kuyumba kwenye gemu hilo kwa sasa ameamua kujipanga upya na kurudi katika muziki wa bongo fleva na teyari ameshaachia ngoma mpya inayojulikana kwa jina la "Mateso bila chuki'

Alisema kuwa amejipanga kurudi kwenye gemu hiyo na kuendelea kufanya mashambulizi ya muziki wa hip hop huku akiongeza ubunifu katika kazi zake kwa ajili ya kuteka mashabiki wa muziki wa bongo fleva