Zilihesabiwa wiki, ikaja siku lakini kilichobaki ni saa tu kabla ya wanaharakati wanaopambana kumaliza udhalimu kwenye muziki wa Bongo Fleva, Vinega, kuvamia Uwanja wa Triple A, Arusha kwa ajili ya kupiga shoo ya nguvuTimu nzima ya Vinega itakuwepo Triple A leo (Jumapili) kuanzia saa 8:00 mchana na mpango mzima utasongeshwa hadi saa 6:00 usiku.
Unataka kufafanuliwa kuhusu swaga za Vinega? Wale wanaosababisha kizaazaa mtaani kwa mix-tape zao za Anti Virus, kesho kila kitu kitaanikwa hadharani kwa kila shabiki atakayehudhuria.Mbunge wa Mbeya Mjini (Chadema), Joseph Mbilinyi ‘Sugu’ ndiye ataongoza shoo hiyo, wakongwe Mabaga Fresh, Big Dog Pose, Hardmad, Zay B, Nurueli na Sister P, watafanya kieleweke .
Shujaa wa Kundi la Wagosi wa Kaya, Fred Mariki ‘Mkoloni’, Anselm Ngaiza ‘Soggy Dog’ na mwana Hot Pot Family mwenzake, Suma G, Mapacha, Dani Msimamo, G Solo, Rama Dee, Peen Lawyer, Adili Mkwela ‘Hisabati’, D wa Geto, Magazijuto, Coin Moja, LWP ‘Majitu’ na wengine kibao watakuwepo kuhakikisha wana wa Arusha wanapata burudani ya ukweli ya Hip Hop.Mratibu wa shoo hiyo, Mkoloni alisema kuwa muziki (sound) utakuwa ni wa kiwango cha juu ambao thamani yake ni shilingi milioni 50.“Ma-DJ wenye kiwango cha juu watakuwepo kufanya mambo makubwa. Atakuwepo mtaalam,Profesa Ludigo. Wasanii watakaokuwepo ni wengi mno, tutakumbushia mapini ya kitambo na baadaye Vinega watafanya Anti Virus ieleweke,” alisema Mkoloni.
