Msanii Kidumu ambaye anafanyia kazi zake za muziki nchini Kenya na ambaye amefanikiwa kufanya vyema kwa hapa Afrika Mashariki kutokana na nyimbo zake, anatarajiwa kugonga bonge moja la show akiwa pamoja na Peter Msechu kutoka Tanzania. Shoo hiyo iliyopangwa kufanyika 'Mbalamwezi Beach', inatarajia kufanyika Ijumaa ya Mei 4 mwaka huu. Kidumu ambaye alikuwa kioo kwa msanii Peter Msechu wakati wa shindano la Tusker Project Fame, atasindikizwa na msanii huyo katika nyimbo zake atakazoziimba usiku huo.
