Mke wa mkali wa muziki, Bebe Cool, Zuena Kirema alijifungua mtoto wa kiume wakati wa maadhimisho ya siku ya mama duniani . Bebe Cool amepata mtoto huyo ikiwa ni miezi mitatu baada ya swahiba wake kimuziki, Jose Chameleone kupata mtoto wake wa tatu. Bebe Cool alionesha furaha yake kubwa ya kupata taarifa hizo akiwa Dubai ambako alikuwa kwenye ziara ya kimuziki. “Ningependa kuwapongeza mashabiki wangu wote pamoja na familia yangu, mke wangu Zuena amejifungua mtoto wa kiume “ aliandika Bebe Cool katika ukurasa wake wa mtandao wa kijamii wa Facebook.Mtoto huyo wamempa jina la Caysan Ssali Siye akiwa ndiyo mtoto wake wa tatu, baada ya Alpha na Beata