Bendi kongwe za muziki wa dansi nchini, African Stars ‘Twanga pepeta’ na Msondo Ngoma, zinatarajiakufanya onesho maalumu kwa ajili ya kusherehekea siku ya Wachaga, litakalo fanyika Julai 28, mwaka huu katika viwanja vya Leaders Club Kinondoni

Akizungumza Dar es Salaam mratibu wa tamasha hilo Paul Sikoka alisema wanatarajia kuan daa burudani kwa ajili ya kuienzi siku ya Wachaga, alisema katika onesho hilo la aina yake wanatarajia pia kuanda burudani mbalimbali za kabila la wachaga ambapo pia kutakuwa na vyakura vya kabila hilo

Sikoka alisema Twanga pepeta na Msondo Ngoma, siku hiyo zinatarajia kutoa burudani ya aina yake kwa kuimba nyimbo zao mpya na zile za zamani zinazotamba katika vituo mbalimbali vya redio nchini Alisema pia sikuhiyo kutakuwa na burudani kutoka kwa kundi la mfalme ambalo litaongozwa na Costa Siboka, ambaye ni msanii anayeimba nyimbo za makabila ya kanda ya ziwa

“Tumeandaa tamasha maalum la siku ya Wachaga ambapo tunatarajia kutakuwa na burudani mbalimbali za kabila hilo pamoja na bendi za Twanga pepeta na Msondo Ngoma pia zitatoa burudani safi kwa mashabiki wao” alisema