Mwanadada Avril katikati akifundishwa kucheza mtindo wa kibega na baadhi ya mashabiki waliohudhuria Extrem Bash ndani ya ukumbi wa Bilicans

Ni mara chache sana na wakati mwingine isitokee kabisa kwa mwanamuziki kutoka nchi ya jilani kuja nchini kwa ajili ya ziara ya kimuziki na kukubali kufundishwa aina ya uchezaji wa sehemu hiyo,Ni kitu cha kipeke sana ambacho mwanadada Avril alipoamua kuvunja ukimya kwa kuwaomba baadhi ya mashabiki kumfundisha aina ya mtindo unaopendwa kuchezwa huku bongo unaojulikana kama Kibega

Akizungumza baada ya shoo ya Extrem Bash iliyoandaliwa na Pro 24 DJ mwanamuziki huyo alisema kuwa anapenda kujifunza vitu tofauti kutoka sehemu mbalimbali ila vinavyohusu muziki. Alisema kuwa kujifunza aina ya mtindo wa Kibega unaochezwa na watanzania ni moja ya njia ya kuboresha muziki wake

Mwanadada huyo aliongezea kuwa "Nimefurahi kufundishwa kitu kipya na watanzania na nikifika Kenya nitawambia jinsi gani watanzania walivyo wakarimu na wanajua kwenda sambamba na muimbaji anapokuwa katika jukwaani "alisema Avril