Msanii kutoka nchini Kenya anayetamba na kibao cha ‘Chokoza’ Avril Nyambura na Marya alimshukuru msanii kutoka wa hapa nchini Ambwene Yesaya ‘AY’ kwa kufanikisha safari yake ya muziki

Alitoa shukurani hizo alipomaliza shoo ya Extrem Bash iliyoandaliwa na Pro 24 DJ alisema kuwa bila ya AY asingeweza kufika hapo alipofika sasa kwani alikuwa mstari wa mbele kwa kumuongoza katika soko la muziki linavyotaka

“AY amefanikisha mafanikio yangu ya muziki kwa asilimia miamoja kwani amekuwa akiniongoza katika soko la muziki wa Afrika Mashariki na jinsi ya kuweza kucheza na hadhira kwa kugundua nini wanataka kwa muda huo” alisema Avril

Kwa upande wa Marya alisema kuwa anawashukuru mashabiki waliojitokeza kwa wingi kuja kwenye shoo hiyo huku wakitoa ushirikiano wa kutosha na kuweza kufanikisha shoo hiyo

Akizungumza baada ya shoo hiyo jumapili usiku katika ukumbi wa Bilicans Arvil alisema kuwa kunatofauti kubwa kati ya mashabiki wa Tanzania na Kenya kwani wa hapa nchini wanapenda muziki na wanapokea kwa kushirikiana kwenye shoo nzima

Alisema kuwa mashabiki wanazijua nyimbo zake na kuziimba hivyo ilimsababisha kuona shoo ni nzuri na hakupenda iishe kwa muda mfupi na hiyo ndio tofauti kubwa kati ya mashabiki wa bongo na wa Kenya katika kushilikiana na muimbaji katika shoo

Kwa nyakati tofautitofauti walitoa shukurani zao za dhati kwa Pro 24 DJ’S kwa ushilikiano wao waliouonyesha na kwa kufanikisha shoo hiyo ambayo ilionekana kuwa nzuri