Mchuano mkali umeibuka kwenye bendi ya muziki wa taarabu ya T-Moto Modern baada ya waimbaji watatu wenye uwezo mkubwa wa kuimba , Mwanahawa Ally ‘Chipolopolo’ Jokha Kassim na Nyawana Fundikira kila mmoja kuhitaji umalikia wa bendi hiyo

Waimbaji hao wote wanawashabiki lukuki huku Jokha yeye akionekana ni hodari zaidi baada ya kuibuka katika kundi maarufu la Zanzibar Stars Modern Taarabu, . Ofisa mipango wa bendi hiyo , Kais Mussa Kais alisema mchuano huo kwa waimbaji hao ni sehemu ya mafanikio ya T- Moto, alisema ingawa wamesheheni waimbaji wengi lakini wanadada hao Mwanahawa, Jokha na Nyawana wameonekana kufanya vizuri zaidi katika mazoezi yanayoendelea

“Ni sehemu ya mafanikio ya bendi yetu kutokana na ushindani kwa waimbaji wetu, hivyo nadhani tuwaachie wenye katika hilo kuwania umalikia , kumekuwa na waimbaji nyota sehemu mbalimbali duniani hasa kwa bendi ya Tanzania kitu ambacho mara nyingi huleta tunu maana mashabiki ndio waamuzi wanaounga mkono” alisema