Katika tasnia ya sanaa kwa sasa kuna wasanii wengi ambao wamekuwa na kipaji zaidi ya kimoja kutokana na utundu pamoja na ubunifu waliojiwekea kwa ajili ya kufikia malengo,kwa mfano unakuta msanii wa filamu au tasnia yoyote lakini anakuwa na uwezo mkubwa wa kucheza mpira na mchezo mwingine tofauti na sanaa na kuvaa uhalisi amabao unaweza kukubalika popote pale

Ninapotaja jina la Hussein Rashid ‘Hussein Machozi’ hakuna mtu amabaye hamfahamu kwa namna moja au nyingine kutokana na kuvuma kwa nyimbo zake na kufanya matamasha mbalimbali nchini

Msanii huyu alianza kucheza soka katika klabu ya Kagera Sugar yenye maskani yake Bukoba, nyota hiyo ilianza kuingia katika tasnia ya muziki wa kizazi kipya , wakati alikuwa na umri mdogo alihisi kuwa anaweza akafanya vizuri na kupewa nafasi kubwa na baadhi ya watu waliokuwa karibu yake wakati huo

“Nilivutika sana na Joe Makini na nikashawishika kujaribu kuingia katika fani ya muziki na kupata msaada kwa watu mbalimbali na kunifikisha hapa nilipo” anasema Hussen Machozi

Katika kufikia malengo yake Machozi anahitaji msaada kutoka kwa wadhamini mbalimbali watakaomsaidia kusimamia kazi zake na kuzisambaza katika vituo mbalimbali vya redio na luninga , baada ya harakati za muda mrefu msanii huyo alifanikiwa kutoa albamu yake ya kwanza mwaka 2007 inayoitwa Promise iliyokuwa na nyimbo 10

Katika tasnia hiyo mkali huyo wa nyimbo ya Jela , anasikitishwa na unyonyaji unaofanywa na baadhi ya wasambazaji wa kazi zao na kufanya wanamuziki kuwa masikini kila siku hali ambayo inawafanya kuwa wanyonge katika jasho lao

“Inasikitisha kuona msanii anatumia gharama kubwa katika kuandaa albamu lakini kiasi anachopata wakati wa kuipeleka sokoni haikurudishi hata nusu ya gharama zake, “ alisema Hussein Machozi

Mkali hiyo alitoa mwito kwa wasanii kuendelea kutafuta nguvu na kushikamana ili kutatua kero hiyo na kutaka kuwa na msimamo thabiti wa usimamizi wa uuzwaji wa kazi zao