Mwanadada mwenye mikasa kutoka Bongo movie Wema Sepetu alionekana akimwaga chozi nyuma stage, wakati mwanamuziki wa bongo fleva Emmanuel Elibariki ‘Ney wa Mitego’ alipopanda Jukwaani na kusema Bongo fleva kicheche kama Wema Sepetu. Ney alipopanda Jukwaani na kuchana freestyre na kulinganisha Bongofleva kicheche kama Wema Sepetu umati ulikuwa uwanjani ulilipuka kwa furaha na kumshangilia Ney akiwa sambamba na Dallaz Ukuni mwanamuziki mwenzake.

Kufuatia hali hiyo Jacob Stephen ‘JB’, Aunt Ezekiel wakiwa na Steven Nyerere walizua zogo lilotengeneza fujo wakitaka kumvamia Ney na kumpiga huku JB akilalama kwa kusema kuwa Ney amekuwa akiwadhalilisha kwa kutumia nyimbo zake, hayo yakifanyika Vincent Kigosi ‘Ray the Greatest’ alionyesha busara zake kwa kutoshiriki ugomvi huo.“Sasa hawa mbona wanataka kutuharibia show yetu vipi? Kwanza huyu aliyeitwa kicheche hata hajamaindi lakini wapambe ndio nawaona wanataka kulianzisha mbona mwenzao Ray katulia?alihoji Shabiki mmoja ...kwa upande mwingine Aunty Ezekiel ambaye inasemekana alipigwa makofi na mmoja kati ya mabaunsa katika ugomvi huo, lakini alipopigiwa simu tu alipogusiwa tu hilo alikataa simu, hata hivyo wadau wa tamasha hilo waliweka mambo sawa baada kuwatuliza wasanii waliokuwa katika tifu hilo.