Marques “Batman” Houston akiwa na Romeo na LDB ni vijana waliokuwa wakiunda kundi lililojulikana kama Immature au IMX lililotamba sana miaka ya 90 na vibao vyake kama I will Never Lie, Watch me do my thing, I am not a Fool na Constantly, kabla ya kujitenga mwaka 2002, amekuwa katika malumbano ya muda mrefu na rafiki yake wa tokea utotoni mwanamuziki Demario Thornton maarufu kama Raz B ambaye alikuwa miongoni mwa wanamuziki waliounda kundi machachari la B2K.

“Bifu” ya wasanii hawa imefikia hatua nyingine baada ya Marques Houston kuomba na kupewa amri ya mahakama inayomtaka swahiba wake wa zamani Raz B kutomsogelea karibu.

Marques amekaririwa akisema imebidi kuchukua hatua hiyo kwa kuwa ameathirika kisaikolojia baada ya Raz B na kaka yake Ricky "Romance" Thornton kutuma video katika mtandao wa you tube wakimtuhumu yeye pamoja na aliyekuwa meneja wa kundi la B2K Chris Stokes kwa kumnyanyasa kijinsia alipokuwa alipokuwa na umri wa mika 13.

Hata hivyo Raz B alikanusha na kuomba radhi kupitia mtandao wa you tube jambo ambalo linawafanya watu wengi waamini ya kwamba alilazimishwa kufanya hivyo na wanachama wa genge la uhalifu la LA kwa kuhofia usalama wake.