Calvin Broadus maarufu kama Snoop Lion ambaye hapo awali alikuwa akijulikana kama Snoop Doggy Dogg, anatarajia kuzindua albam yake ya 12, iliyosheheni miondoko ya rege.

Snoop aliamua kubadili jina lake baada ya kufanya ziara nchini Jamaica na kukutana na mhubiri dini ambaye alimwambia kuwa yeye ni mwanga na yeye ni simba na hii ilimpelekea kuamua kujiita Snoop Lion.

Albam hii ambayo pia ni ya kwanza ya miondoko ya rege itakayojulikana kama . “REINCARNATED” itakuwa na nyimbo 16 ambazo amewashirikisha wanamuziki mbalimbali kama vile Mr. Vegas, Angela Hunte, Akon, Chriss Brown, Drake na Busta Rhyme, wengine ni Iza, Rita Ora, Miley Cyrus, Collie Budz, Mavado, Popcaan na Jahdan Blakkamoore.

Miongoni mwa nyimbo zilizomo kwenye albam hiyo ni kama Rebel Way, Here Comes The King, Lighters up, Smoke The weed, Remedy, Harder Times, Torn Apart , The Good Good na No Guns Allowed.

Wimbo wa No Guns Allowed, Snoop Lion amemshirikisha binti yake anayejulikana kama Cori B mwenye umri wa miaka 13 na rapa Drake.

Snoop Lion ambaye hapo awali alijulikana kama Snoop Dog alitambulishwa kwenye anga za muziki wa hip hop mwaka 1992 , na mtayarishaji muziki maarufu Dr. Dre , alipomshirikisha katika albam yake ya Chronic kwenye nyimbo za Dre Day na Aint Nothing but a G Thang, kabla ya kumtayarishia album yake iliyojulikana kama ‘Dogg Style’ ilishika nambari moja katika chati za muziki za billboard upande wa hip hop.