filamu ya 'Foolish Age' inayotarajiwa kuzinduliwa 30
Agosti mwaka huu ikiwa ni sehemu ya kutoa ushirikiano wao kwa msanii mwenzao Elizabet Michael 'Lulu'.Filamu hiyo ambayo inatarajiwa kuzinduliwa na Lulu katika ukumbi wa Mlimani City jijini Dar es Salaam ikiwa ni filamu yake ya kwanza tangu atoke jela kwa dhamana.
Wakiongea nyakati tofauti tofauti baadhi ya wasanii waliweka wazi kuwa msanii huyo Lulu anahitaji kupewa ushirikiano wa kutosha kutokana na kazi zake anazozifanya za sanaa ili aweze kufika mbali katika tasnia hiyo.
"Huyu ni mdogo wetu ukiangalia ametoka katika matatizo makubwa tofauti ya umri wake hivyo haki yetu kumpa ushirikiano ili aweze kufika anapohitaji kufika na ikiwa ni sehemu ya kumfariji pia ili ajione yupo na watu wanaomjali" alisema Wolpa.
Kwa upande wake msanii wa filamu Kajala Masanja kwa kupitia account yake ya 'Instagram' alituma picha ya uzinduzi huo na kuandika maneno ya kuhamasisha mashabiki kujitokeza kwa wingi katika uzinduzi huo.
Uzinduzi huo utasindikizwa na bendi ya Machozi pamoja na wasanii wa muziki wa bongo fleva akiwemo Barnaba na Amini.
