MKURUGENZI wa kampuni ya Endless Fame Films ambaye pia ni msanii wa filamu nchini Wema Sepetu  anatarajia kufanya uzinduzi wa wasanii wa muziki wa bongo fleva ambao wapo chini ya usimazi wake.

Uzinduzi huo unaotarajia kufanyika Jumapili ambapo msanii Mirro pamoja na Asali watatambulisha nyimbo zao kwa mashabiki wao Club Bilicanas jijini Dar es Salaam.

Uzinduzi huo utakuwa ni wa nyimbo mbili kutoka kwa wasanii hao ambapo nyimbo iliyopewa jina la 'Mzuri' ni nyimbo iliyoimbwa na Asali ambayo yeye ataitambulisha ukumbini hapo huku nyimbo iliyopewa jina la 'Baby' imeimbwa na Mirror.

Akizungumza kwa njia ya simu Wema alieleza kuwa wasanii hao wako chini yake, hivyo anaamini kazi inayofanywa itakuwa bora kulingana na uwezo wao.Alieleza kuwa uzinduzi huo utasindikizwa na wasanii mbalimbali wa muziki wa kizazi kipya akiwemo Barnaba, Country Boy, Linex, M2 the P, pamoja na Nyandu.

Katika uzinduzi huo msanii huyo wa filamu yeye ndiye atakayekuwa mshereheshaji na muongozaji wa uzinduzi huo.