Msanii anayekuja kasi katika muziki wa kizazi kipya Bongo fleva ‘Dogo Janja’amesema anatamani kukutana na mlezi wake wa zamani, ‘Rais wa Manzese’ Madee wa kundi la Tip Top Connection, akihojiwa katika kipindi kimoja wapo cha redio siku chache zilizopita nchini hapa , Dongo Janja amefunguka na kusema kuwa tangua aliporejea Dar es Salaam kutoka kwao Arusha hajabahatika kukutana na Madee

Kinda huyo wa muziki wa Bongo Fleva alisema mwanzoni alikuwa hatamani kukutana na Madee kwa sababu ya hasira alizokuwa nazo, lakini kwa sasa anatamani kumuona . Madee ndiye aliyevumbua kipaji cha Dogo Janja miaka mnne iliyopita na kumhamishia mjini Dar es Salaam na kumtafutia shule katika sekondari ya ,makongo

Akiwa Tip Top, Dogo alijipatia umaarufu mkubwa kutokana na tungo zake na kupata ofa nyingi za kufanya maonyesho, Hata hivyo uhusiano wa Dogo Janja na Madee ulianza kuyumba na hatimaye kukorofishana kabla ya Madee kuamua kumrejesha chalii huyo Arusha kwa madai kuwa alikuwa hataki kwenda shule na alijikita zaidi katika anasa

Lakini Dogo alikanusha madai hayo na kudai kuwa Madee alikuwa akimtumia kupata pesa na kwamba kwa kipindi chote alichokuwa Tip Top hajawahi kunufaika na kipaji chake zaidi ya kuambulia visent vichache Dogo Janja yupo katika kundi la Mtanashati linalomilikiwa na mfanyabiashara Ustaadh Juma na tayari ameshaibuka na ngoma mpya