Mashabiki wa mkoani Mwanza na vitongoji vyake juzi walipata burudani ya aina yake katika Tamasha la Serengeti Fiesta lililofanyika katika Uwanja wa CCM Kirumba jijini humo

Burudani hiyo iliongozwa na Farid Qubanda maarufu kama Fid Q msanii mwenye masikani yake mkoani hapo huku akiwa na mashabiki lukuki ndani na nje ya mkoa huo, na wasanii wengine waliofanya shoo hiyo ni pamoja na Recho, Barnabas, Roma, Profesa Jay, AT, Mwasiti na wengineo ambao pia walipewa fursa ya kuonyesha uwezo wao wasanii wachanga wa Mwanza

Shoo hiyo ilishuhudiwa na mashabiki lukuki wake kwa waume waliongia katika uwanja huo kuangalia ni namna gani msimu huo wa burudani unaofanyika katika mkoa wao, wasanii wote walifanya shoo ya aina yake wakiwemo wanaume Family wakishirikiana na Bibi Cheka alipoimba wimbo wake wa ‘Niwewe’ hivyo kutoa shangwe za aina kutoka kwa wakazi wa Mwanza

Bibi huyo anapatikana jijini Dar es Salaam akiiubuka katika kundi hilo lenye maskani yake Temeke huku akifanya vyema mno katika tasnia ya muziki wa kizazi kipya maarufu kama Bongo fleva