MRATIBU wa mashindano ya kumtafuta mnenguaji wa kike 'Kigoli' 2013 Maimartha Jesse aweka mikakati ya kuinua baadhi ya wasichana waliokata tamaa katika jamii yao.

Akizungumza wakati alipotembela ofisi za Business Times Ltd mratibu huyo alisema kuwa anamikakati ya kusaidia wasichana waliokata tamaa kwa kupitia mashindo yake ya kumtafuta kigoli.

Alisema kuwa  mshindi atakayeibuka katika mashindano hayo atapewa zawadi ya gari aina ya Wolpa na washindi wengine kupewa zawadi mbalimbali ambazo hazitowafanya kujuta kuingia katika mashindano hayo.

Alisema shindano hilo limezidi kutanuka kwa kuongeza washiriki wengine kutoka mikoa ya Morogoro, Tanga pamoja na  Dar es Salaam, ingawa hapo mwanzo walizoea kuchukua wshiriki kutoka mkoa wa Dar es Salaam pekee.

"Washiriki hao watakaa kambini mwenzi mmoja ambapo watapata mafunzo mbalimbali ya kila aina hivyo ni moja ya nafasi ya kuwajenga wasichana 'kigoli' ambao wengine walikata tamaa kwa namna mmoja au nyingine za maisha" alisema Maimartha