KESI inayomkabili msanii anayeshirikishwa katika video za wasanii wa muziki wa bongo fleva, Agnes Jerald 'Masogange' pamoja na Melisa Edward ya kusafirisha dawa za kulevya inatarajiwa kusikilizwa Septemba 13 mwaka huu nchini Afrika Kusini.Inadaiwa wasanii hao waliingiza shehena ya dawa za kulevya zenye thamani ya zaidi ya sh. bilioni 6.8 nchini Afrika kusini wakitokea Tanzania.

Akizungumza jijini Dar es Salaam Kamanda wa Polisi Kitengo cha Kuzuia na Kupambana na Dawa za Kulevya nchini, Geofrey Nzoa alisema kuwa, wadada hao wanatarajia kupanda kizimbani tena Septamba 13 mwaka huu kwa ajili ya kusikiliza kesi inayowakabili Aliweka wazi kuwa upelelezi wa kesi hiyo unaendelea katika nchi zote mbili, na bado wasichana hao wanashikiliwa na jeshi la polisi la nchini humo.

"Upelelezi unaendelea huku kila nchi ikitegemeana kwa ajili ya uchunguzi huo pamoja na kupashana habari tunapofikia na wao wanapofikia" alisema Nzoa.