Lucas Mhuvile ‘Joti’ ametengeneza filamu inayokwenda kwa jina la Sanduku la Babu, msanii huyo anajivunia aina ya mfumo aliotumia katika kuandaa sinema hiyo kwa kuirekodi na kushiriki katika nafasi zote pekee yake na kuifanya kuwa filamu sawa na iliyoshirikisha wasanii wengi.Filamu hiyo ambayo inaonekana ni ya maajabu ni kutokana na Teknolojia iliyotumika kwa nafasi zote kuchezwa na mhusika mmoja, Joti amecheza katika sinema ya Sanduku la Babu kucheza nafasi ya Babu wa Sumbawanga, Bi. Kiboga, Amijee, na kuwashirikisha kidogo wasanii chipukizi.         

Joti anasema kuwa kazi hiyo ameiandaa kwa muda wa miaka miwili, kulingana na Teknolojia iliyotumika kwani kila mara ilimpasa baada ya kutengeneza na kuangaliwa na watalaamu kisha kumweleza abadilishe matukio kitu kilichomfanya atumie muda mrefu.