MSANII wa filamu Tanzania Kulwa Kikumba 'Dude' amewajia juu baadhi ya mastaa wa filamu nchini wanaoishi maisha ya kuigiza katika maisha yao halisi hali inayosababisha kuishi maisha ya gharama kubwa kuliko uwezo wao wa kifedha

Kauli hiyo aliitoa jijini Dar es Salaam baada ya kushangazwa na baadhi ya wasanii kuishi maisha ya gharama kubwa tofauti na uwezo wao wa kipato hali inayochangia kufanya vitendo vya ajabu ili waweze kuendana na mazingira hayo

Akifafanua sababu inayosababisha hali hiyo alisema kuwa ulimbukeni kwa baadhi ya wasanii ndio chanzo cha kuishi maisha ya kuigiza katika maisha yao halisi hali inayosababisha kujiona wanauwezo wa kumiliki magari ya kifahari na kujitangazia utajili kwa baadhi ya mashabiki wao pamoja na wadau wa tasnia hiyo ya filamu

Alisema kuwa ushamba kwa baadhi ya masupastaa ndio chanzo cha kujikweza mbele za watu na kusababisha wajiongopee wenyewe aina ya maisha wanayoishi kwa kujiona wanauwezo wa kumudu maisha ya gharama huku wakiwa hawatambui kuwa wanapoteza muelekeo mzima wa maisha yao

"Matajiri hauweze ukawakuta wanajitangazia kuwa nimenunua gari la milioni mia mara nimefanya hiki ila utaona mwenyewe ila hawa kinachowasumbua ni ushamba na kutaka kuwa juu matokeo yake wanatumika ovyo kwa kujilahisisha ili waweze kupata kile wanachokitaka " alisema Dude

Aliongezea kuwa hali ya kuishi maisha ya kuigiza katika maisha yakawaida ndio hali inayochangia kuwa na skendo nyingi kwa jamii kwa ni unaishi maisha ambayo si ya kwako

Pamoja na hayo alisema kuwa ni vyema kuishi maisha kulingana na uwezo ulio nao hiyo itasaidia kukujenga na kukuimalisha katika maisha ili uweze kufikia mafanikio uliojiwekeea