MWIMBAJI nguli wa muziki wa taarabu nchini wa kundi la TOT, Khadija Kopa juzi aliuteka mji wa Moshi baada ya kutoa burudani ya nguvu katika ziara ya washindi wa Tuzo za Kill Music iliyofanyika katika viwanja vya ushirika. Onyesho hilo lilikuwa maalum kwa wasanii hao ambao ni washindi wa Tuzo za Kill Music, ambapo Kopa alipanda na kuimba vibao kadhaa na kuonekana kuuteka umati wa mashabiki
Katika onesho hilo la Kill Music Winner Tour, mwaka huu linafanyika katika mikoa sita kwa ajili ya wasanii hao kutoa shukurani kwa mashabiki waliowapigia kura kwenye kinyang'anyiro hicho. Licha ya hali ya hewa kuwa ya mvua na manyunyu ya hapa na pale wakati wote wa tamasha hilo, lakini wakazi wa mji wa moshi na vitongoji vyake walivunja rekodi ya tamasha hilo kwa kujitokeza kwa wingi uwanjani hapo tofauti na mikoa mingine ya Dodoma na Mwanza ambako tayari tamasha kama hilo limefanyika
Katika onesho hilo kabla ya kupanda jukwaani kwa washindi wa Kill Music Awards walianza kuimba baadhi ya wasanii chipukizi ambao Kilimanjaro imedhamiria kuibua vipaji katika mikoa hiyo kwa kuchukua wasanii hao na kuwapeleka studio kwa ajili ya kurekodi
