MKALI wa muziki wa kizazi kipya nchini Nasseb Abdul,"Diamond" anatarajiwa kumsindikiza Ommy Dimpoz katika uzinduzi wake rasmi wa wimbo wake mpya uitwao Baadae 

Akizungumza jana Meneja wa Ommy Dimpoz, Mbaruku Issa (Mubenga) alisema uzinduzi huo unatarajiwa kufanyika jumapili kwenye ukumbi wa Bilicanas. Muhenga alisema wimbo huo ambao umetayarishwa na Prodyuza Man Water unatarajiwa kufanyiwa video Juni mwaka huu nchini Afrika kusini, utatambulishwa jumapili kwa lengo la kutoa fursa kwa mashabiki wa Bongo Freva kuweza kujua radha ya wimbo huo

"Masabiki wengi wameshaujua wimbo huu lakini tunataka kutoa nafasi kwa wale ambao hawajapata nafasi ya kuusikiliza ili kupata ladha ya wimbo huo" alisema Mubenga.Pamoja na hayo Diamond kusindikiza uzinduzi huo, pia atakuwepo Ben Pol Alawi Junior na wengine ambao watapewa mualiko hapo baadae