MWIGIZAJI na mtayarishaji wa filamu Nchini Emanuel Myamba Pastor Myamba yupo katika sehemu mbalimbali akimalizia kurekodi filamu yake mpya inayoitwa Gods Kingdom ikiwa ni majibu ya filamu iliyoigizwa na marehemu Steven Kanumba ya Devil Kingdom akiongea Pastor Myamba anasema filamu hiyo inakuja kuonyesha uwezo wa Mungu.“Filamu ya Gods Kingdom ni majibu ya filamu ya Devil Kingdom iliyoigizwa na marehemu rafiki yangu Kanumba, katika filamu yake alionyesha jinsi gani nguvu za giza zinavyofanya kazi, lakini katika filamu ya Gods Kingdom unaona uwepo wa Mungu na akijibu maombi kwa kila amwombaye, ni filamu ya kipekee kabisa,”anasema Pastor Myamba.Filamu hiyo ya Gods Kingdom ipo katika hatua za mwisho katika kurekodiwa kinara wa filamu hiyo ni Pastor Myamba mwenyewe, wasanii wengine ni Zawadi, Elizabeth Chijumba ‘Nikita’, Mzee Maneto, Pacho Mwamba wanafunzi wa TFTC wanaosoma katika chuo hicho mafunzo ya uigizaji na utengenezaji wa filamu..
