Msanii wa muziki wa kizazi kipya Ney wa Mitego alionekana kuwa kivutio kwa mashabiki waliohudhuria tamasha la 'East Africa pamoja Concert' lililoandaliwa na Pro 24 Dj's Katika ukumbi wa Dar  Live jijini Dar es Salaam

Alionekana kuwa kivutio kikubwa na kuibua hisia tofauti za mashabiki baada ya kupanda jukwaani kwa kuwashutikiza kwani hakuwa kwenye ratiba ya usiku huo

Akizungumza baada ya kushuka jukwaani Ney alisema kuwa alivutiwa kuja kwenye shoo hiyo kwani Roma ambaye ndiye alikuwa yuko kwenye jukwaa ni mtu ambaye avutiwa na kazi yake

Alisema kuwa amepata faraja baada ya kuona mashabiki  wamelipuka kwa furaha kubwa hali hiyo inamsababisha kuona kuwa kazi yake ina kubalika katika jamii

Akizungumzia juu ya tamasha hilo alisema kuwa huwezi kuzungumzia burudani bila ya kuwataja Pro 24 Djs ambao sasa wako kwa ajili ya kuifanya sanaa ya muziki kuwa ya kimataifa

Alisema kuwa hapo mwanzo walishazoea ni kundi la watu fulani kuandaa matamasha, na wengine wapo kibiashara hivyo kusababisha kupoteza dira ya muziki nchini

Ney anasema kuwa pro 24 wapo kwa ajili ya kutoa burudani na anaamini kuwa watafanya makubwa zaidi katika upande wa kukuza muziki na kiwango cha burudani nchini

Ney akizungumzia kuhusiana na nyimbo zake kujaa mafumbo, anasema kuwa yeye anaimba ukweli na daima atasimama kwenye ukweli ili jamii ibadilike "Mimi naimba ukweli hivyo nitasema ukweli kama umefanya kitu nitakisema kwenye nyimbo, na atakayeguswa atabadilisha tabi yake " alisema Ney

Ney alipanda jukwaani kwa kushtukiza wakati msanii Roma Mkatoliki akifanya shoo